BRANU CULTURAL NA VILLA DE VIDANES 2010

Dandu sigimientu a las autividades de los "Pasos Culturales" de tan gratu alcuerdu, cellébrase esti añu la Selmana Cultural de Vidanes, entamada pula Xunta Vecinal, cul sofitu del Conceyu de Cistierna, la Diputación de Llión y la Igrexia Parroquial del pueblu.

N´esta ocasión los autos céntranse nas autuaciones musicales y nel tiatru de cai.

Podeis lliere´l programa meyor faciendu "clic" sobru la semeya d´enrriba. Asperámosvos.

MERCÁU DEL REINU EN BENAVENTE

Pesia tolos intentos pula parte las autoridaes castiellanas y de los derniegos llïoneses dalguna cellebración del 1100 Aniversariu del nuesu Reinu, llogra salire de la provincia de Llión y algama a las outras provincias de la nuesa rexón, esti ye´l casu de Benavente. Mentantu los partíos dominantes caltienen un pautu de silenciu nas ciudaes de Zamora y Salamanca pa tentare de facer esqueicere´l sou pasáu, presente y futuru llïonés, n´outru exemplu más de manipulación de la hestoria y d´un usu torticeru del poder de las alministraciones.

Toos, Zamoranos, Salmantinos y Llïoneses vémonos privaos una vuelta más, d´una xusta vindicación del nuesu pasáu y del nuesu futuru, cumu consecuencia de l´ausencia de la nuesa autonomía que pur dreichu nos corresponde.